Беларусттук “Киберпартизан” анонимдүү тобу Беларусиянын паспорт системасын бузуп киргенин жарыялады.

Бүгүн, 31-июлда "Токио-2020" жайкы Олимпиада оюндарында күрөштүн грек-рим түрү боюнча 60 килограмм жана кыздар арасында 76 килограмм салмакта чүчү кулак аземи болуп өттү.

Жогорку сот Ош шаардык кеңешине кайра шайлоого катышып, экинчи орунга чыккан “Биздин Кыргызстан” саясий партиясын колдогон чечим чыгарды. Соттун 30-июлдагы токтомун партиянын лидери, Жогорку Кеңештин депутаты Айбек Осмонов жарыялады.

Кыргызстанга бүгүн, 30-июлда AstraZeneca вакцинасынын 226 миң дозасы келди.

Самбо боюнча эл аралык мелдеш 5-8-августта Ысык-Көл жергесинде орун алат. Ага бештен ашуун мамлекеттин спортчулары катышат. Турнир Кызыл жылдыз орденинин ээси Виталий Гордеевдин жаркын элесине арналып жыл сайын уюштурулуп келет. Бул жылы отуз төртүнчү ирет өткөрүлүп жатат.

Кыргыз-тажик чек арасынын тактала элек тилкесинин 40 чакырымы боюнча тараптар орток пикирге келип, документке кол койгонун тажикстандык ЖМКлар жазды.

Кыргызстанга коронавируска каршы AstraZeneca вакцинасынын 226 миң дозасынын келиши күтүлүүдө. Бул тууралуу Республикалык иммунопрофилактика борборунун директору Гүлбара Ишенапысова брифинг учурунда билдирди.