Башкы прокуратура Кыргыз Республикасынын президенти Садыр Жапаровдун «Менчикти коргоо жана ишкерлер менен инвесторлорду колдоо жөнүндөгү» Жарлыгын аткаруу максатында (0312) 88-90-33 ишеним телефонун ишке киргизди. Бул тууралуу Башкы прокуратуранын басма сөз кызматы билдирет.

Күн мурун, 25-февралда Берлинде Кыргызстандын Германиядагы элчиси Эрлан Абдылдаев Бундестагдын депутаты, Германиянын Социал-Демократиялык партиясынын (SPD) тышкы саясат боюнча спикери Н.Шмид менен жолугушту. Бул тууралуу КР Тышкы иштер министрлигинин басма сөз кызматы билдирет.

Катар мамлекети Бишкек шаардык травмотология жана ортопедия илим изилдөө борборуна кошумча имарат куруп берет. Бул тууралуу Катардын Кыргызстандагы элчилигинен билдиришти.

Бишкекте жаштар арасында дзюдо боюнча Кыргызстандын чемпионаты өтөт. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.

2021-жылдын 25-февралында Кыргыз Республикасынын президенти – Куралдуу Күчтөрдүн Башкы колбашчысы Садыр Жапаровдун Россия Федерациясына болгон иш сапарынын алкагында Москва шаарында Кыргыз Республикасынын коргоо министри, генерал-майор Таалайбек Өмүралиев Россия Федерациясынын коргоо министри, армиянын генералы Сергей Шойгу менен жолугушту. Бул тууралуу КР Коргоо министрлигинин басма сөз кызматынан кабарлашты.

Төө-Ашуу, Ала-Бел, Өтмөк ашуулардын негизги бөлүктөрү жана Бишкек-Ош, Тараз-Талас-Суусамыр жолдору унаалардын өтүшүнө толук ачылды. Бул тууралуу Транспорт, архитектура, курулуш жана коммуникация министрлигинин басма сөз кызматы билдирди.

Бүгүн ИИМдин Шумкар атайын багыттагы отрядынын кызматкерлери 29 жылдык кесиптик майрамын белгилешүүдө. KEREEZ.KG маалымат сайтынын жалпы жамааты Кыргыз Республикасынын ИИМдин "Шумкар" Атайын багыттагы полкунун атайын операциялар отрядын кесиптик майрамы менен куттуктайбыз!