Алдыда боло турчу парламенттик шайлоого катыша турган айрым партиялардын курамы белгилүү болду. Анда тажрыйбалуу саясатчылардын катарын жаңы жүздөр толуктаган. Бул коомчулукта кызуу талкуу жаратып, мурда депутат болгон талапкерлердин кайрадан эл өкүлү болуп шайланып келишине нааразычылыктар айтылууда. Аталган маселеде Жогорку Кеңештин депутаты Аалы Карашевдин пикирин билип көрдүк.

Кыргызстан бир топ эл аралык каттамдарды жандандыруу аракетин көрүп жатат. Өкмөт башчы Кубатбек Бороновдун айтымында, эң эле биринчи Орусия, Түркия, Казакстан жана Араб өлкөлөрүнөн келе турчу каттамдарга уруксат берилет.

Кыргызстанда коронавирустун экинчи толкуну болору болжолдонуп, ага карата көрүлүп жаткан чаралар тууралуу маалымат берилди. Өкмөт башчы Кубатбек Бороновдун маалыматында, учурда Бишкек, Ош шаарларында жаңы оорукана курулуп жатат, өлкөнүн 7 облусундагы бош имараттар оңдоп-түздөөдөн өтүүдө.

Жогорку Кеңештин төрагасы Дастанбек Жумабеков 20 ыктыярчыга Ысык-Көлдө эс алууга жолдомо берди. Бул тууралуу Жумабеков менен “Демилгелүү жаштардын борбору” ыктыярчылар тобунун жолугушуусунда айтылды.

Аймактардагы эпидемиологиялык абалды көзөмөлдөн чыгарбай, катуу тескөө керек. Бул тууралуу Премьер-министр Кубатбек Боронов Республикалык ыкчама штабдын жыйынында билдирди. 

Президент Сооронбай Жээнбеков 24-июлда, Россия Федерациясынан Кыргызстанга келген медициналык топтун жетекчиси — Башкортостан Республикасынын Саламаттык сактоо министринин орун басары Евгений Кустов менен жолугушту.

«Стационарлар сөзсүз керек. Кыска мөөнөттүн ичинде алар медициналык мекемелердин жүгүн бир топ жеңилдетип, өзүнүн натыйжалуулугун көрсөттү. Бирок биз бардык аймактарда комплекстүү ооруканаларды дагы кура баштайбыз», — деп баса белгиледи Кыргыз Республикасынын Президенти Сооронбай Жээнбеков бүгүн, 23-июлда, Талас шаарындагы күндүзгү стационарга барган учурунда.