Samsung компаниясы Neon долбоорунун алкагында алгачкы “жасалма адамды” иштеп чыкты. Азырынча “санариптик адам” боюнча конкреттүү маалымат жок.

Бир канча күн мурда интернет желесинде NEON.life баракчасы пайда болду. Анда, 2020-жылдын 7-январь күнү CES 2020 жаңы технологиялык көргөзмөсү болоору тууралуу айтылган. Долбоордун жетекчиси Пранав Мистри “жасалма адам” тууралуу өзүнүн Твиттердеги баракчасында жазып калтырды. “Жасалма адам” мимикасын башкара алат. Бардык тилде, керек болсо хинди тилинде да сүйлөйт. Кыймыл-аракети өз алдынча” деп жазган.

Андан сырткары, “виртуалдык адамдын” акыл-эси да “өнүккөн”. Интернетке жүктөлгөн тасмада “жасалма адамдын” жасалма экендигин айырмалоого мүмкүн эмес.