Россия Кыргызстанга экспресс-диагностика үчүн микробиологиялык мобилдик лаборатория берди.

Кыргызстандын Россиядагы элчилигинен билдиришкендей, Роспотребнадзор Кыргызстандын Саламаттык сактоо жана социалдык өнүктүрүү министрлигине Эл аралык медико-санитардык эрежелерин ишке ашыруу жөнүндө келишимдин алкагында акысыз негизде аталган лабораторияны өткөрүп берди.

“Лаборатория инфекцияга байланыштуу өзгөчө кырдаалдар учурунда атайын эпидемияга каршы бригадалар тарабынан колдонууга ылайыкталган”, - деп айтылат маалыматта.