Борбор калаада 17-майдан баштап бир айга ысык суу өчүрүлөт. Тиешелүү буйрукка калаа башчысынын милдетин аткаруучу Бактыбек Кудайбергенов кол койгонун мэриянын басма сөз кызматы кабарлады.

Калаа жетекчилиги шаарда 17-июнга чейин ысык суу берүү токтотуларын айтып, келтирилген ыңгайсыздык үчүн тургундардан кечирим сурады.
Бир ай ичинде суу түтүктөрү пландуу оңдоодон өткөрүлүп, күз-кыш мезгилине даярдыктар көрүлөт.

Былтыркы жылы ысык суу 1-июндан тарта токтотулган.