Бүгүн, 1-октябрда Өзбекстанда Ташкенттеги «Жибек Жолунун бермети» кинофестивалынын алкагында Бүткүл орусиялык кинематография институтунун (ВГИК) филиалы ачылды.

Ал аталган окуу жайдын чет жерде ачылган алгачкы филиалы болуп калды.

Эскерте кетсек, 1919-жылы түзүлгөн бул окуу жай Совет мезгилинде Бүткүл союздук кинематография институту деп аталган. Аталган институтта Кыргызстандын атактуу кино ишмерлери билим алган. Алардын арасында Мелис Убукеев, Геннадий Базаров, Болот Шамшиев, Артыкпай Сүйүндүков, Альгимантас Видугирис ж.б. бар.