Балбан кыз Айсулуу Тыныбекова (62 кг) Осло шаарында өтүп жаткан күрөш боюнча Дүйнө биринчилигинин финалына чыкты.

Жарым финалда ал украиналык Илона Прокопевнюк менен күрөшүп, аны 5:2 эсебинде жеңип алды.

Эми Тыныбекова алтын үчүн америкалык Кайла Коллин Кийоко Миракл менен күрөшөт. Финалдык беттештер бүгүн, 5-октябрда өтүп, саат 22:00дө башталат.

Эскерте кетсек, Айсулуу Тыныбекова 1/8 финалда япониялык Нонока Озакини, андан кийин чейрек финалда Вероника Иванованы жеңип, жарым финалга өткөн.

Айсулуу Тыныбекова буга чейин 2019-жылы Нур-Султанда өткөн биринчиликте дүйнө чемпиону болгон. Азырынча Кыргызстандан балбандар арасында Тыныбекова гана дүйнө чемпиону боло алган.