Бишкекте конуштардагы жер тилкелерине документ берүү үчүн мобилдик топ түзүлөт. Бул тууралуу мэриянын маалымат кызматы кабарлады.
Мобилдик топ жеринде иш алып бармакчы.

"Учурда "2012-жылдын 3-августуна чейин өзүм билемдик менен курулган жеке турак үйлөр түшкөн жер тилкелерин мыйзамдаштыруу жөнүндө" мыйзам долбоору коомдук талкууда. Ал ушул жылдын 29-ноябрына чейин каралып бүтүшү керек", — деп жазылган маалыматта.

Мэрия жер тилкелерин мыйзамдаштыруунун алгачкы процедурасына кандай документтер керек экенин айтты:

• өздүк күбөлүк (ID карта, түп нускасы жана көчүрмөсү);
• айланадагы кошуналардан алынган тил каттар, ал кварталдык комитеттин төрагасы тарабынан күбөлөндүрүлүшү керек;
• кварталдык комитеттин төрагасы же МТУнун төрагасы тарабынан жашагандыгы жөнүндө жана үй-бүлөнүн саны тууралуу күбөлөндүрүлгөн маалым кат.