“Азия банкы” Экономикалык саясатты изилдөө институту, UN Women, GFC, Казакстан фондулук биржасы жана “Сенти” менен биргеликте биринчилерден болуп гендердик облигацияларды сатыкка чыгарат. Максаты – бизнес долбоорлорду каржылоо аркылуу Кыргызстандагы ишкер аялдарга колдоо көрсөтүү.

Банктын стратегиялык багыттарынын бири ESG (экологиялык, социалдык жана корпоративдик башкаруу) компоненттерин туруктуу өнүктүрүү жана ишке ашыруу болуп саналат. Гендердик облигацияларды чыгаруунун максаты - гендердик теңсиздикке көңүл буруу жана аялдардын экономикалык мүмкүнчүлүктөрүн кеңейтүү.

Банк гендердик облигацияларды чыгарууда социалдык облигациялардын принциптеринде белгиленген стандарттарга ылайык Эл аралык капитал ассоциациясынын (ICMA) текшерүүлөрүнөн өттү жана GFC (Астана эл аралык каржылык борбору) тарабынан тастыктоо (экинчи корутунду) алды.

Банк өз программасында социалдык жоопкерчиликти жана туруктуу өнүгүүнү ишке ашыруу багытында каржы секторунун негизги демилгеси катары жоопкерчиликтүү инвестициялык жана каржылоо ыкмаларына басым жасайт.

2022-жылдын 18-ноябрында алгачкы гендердик облигациялар сатыкка чыгат. Иш-чарада долбоордун бет ачары болуп,  облигацияларды сатып алууга арыздарды кабыл алуу жүрөт.

“Азия банкы” социалдык гендердик облигацияларды чыгарган алгачкы банк-эмитент болуп калат. Бул программа ишкер аялдардын бизнесин өнүктүрүүгө, жашоосун жакшыртууга, гендердик теңчиликке жетишүүгө жана алардын мүмкүнчүлүктөрүн кеңейтүүгө багытталган.

Маалымат үчүн:

Социалдык облигациялар классикалык облигациялардан максаттуулугу менен айырмаланат. Бул облигациялардан түшкөн каражат социалдык долбоорлорго багытталат жана Эл аралык капитал ассоциациясынын (ICMA) эл аралык принциптерине ылайык чыгарылат. Социалдык облигацияларды чыгаруу долбоорун “Астана GFC” каржы борбору жүргүзөт. Аталган борбор ICMA жана Climate Bonds Initiative тарабынан аккредитацияланган Борбордук Азиядагы жападан жалгыз компания эсептелет.

Байланыш үчүн:

Айжан Мамбеталиева, +996 (990) 985-589, +996 (999) 217-211