Ушул жылдын 4-октябрында өткөн Жогорку Кеңешке депутаттарды шайлоонун жыйынтыгын Борбордук шайлоо комиссиясы жокко чыгарган. Бул тууралуу БШКдан билдиришти.

"КРдин Президентин жана Жогорку Кеңештин депутаттарын шайлоо жөнүндөгү" мыйзамдын 38-берененин 1-бөлүгүнө ылайык, шайлоо жокко чыгарылса, БШК бир айдын ичинде кайра шайлоону дайындап, аны шайлоо комиссиялары өткөрөт. Мындан улам, БШК 2020-жылдын 6-ноябрына чейин жаңы шайлоо күнүн дайындоо жөнүндө чечим кабыл алат.