Франциянын атактуу "ПСЖ" футбол академиясынын Түркиядагы филиалы Канттын "Абдыш-Ата" клубу менен келишим түзүп, анын негизинде өздөрүнүн тажрыйбасы менен бөлүшүү үчүн Кыргызстанга келишти. 

Маалыматка көрө, "Абдыш-Ата" клубуна "ПСЖ" футболдук клубунун Түркиядагы аймактык директору жана техникалык директору келишкен. Алар канттык футбол клубунун жаш оюнчуларын машыктырышат.

Мындан тышкары, "ПСЖ" клубунун өкүлдөрү үч күн бою Абдыш-Ата футболдук мектебинин жергиликтүү машыктыруучуларына тренингдерди өтөөрү белгилүү болду.