Кыргыз Республикасынын Президентинин милдетин аткаруучу Талант Мамытов кыргызстандыктарды Жаңы 2021-жыл менен куттуктады, - деп билдирет президенттин аппаратынын маалыматтык саясат бөлүмү.

Самбо күрөшү – өлкөдө эң көп жайылган спорт түрү. Аталган спорт менен көптөгөн жаштар машыгып, Кыргызстанда жана дүйнөлүк мелдештерде мыкты ийгиликтерди жаратып келишүүдө. 2020-жылдын 25-декабрында Бишкек шаарынын мэриясынын Дене тарбия жана спорт башкармалыгы жана “Газпром балдарга” ден соолукту чыңдоо борбору тарабынан самбо боюнча балдар жана жаштар арасында борбор калаанын биринчилиги болуп өттү. Аталган мелдеште өлкөбүздүн бардык булуң-бурчунан жаш самбо чеберлери катышып, түрдүү салмакта күч сынашты.Улуу жазуучубуз Чыңгыз Айтматов, “Ааламга кеткен жол айылдан башталат” дегендей, элет жеринен келген спортчулар аталган мелдеште жакшы жыйынтыктарды көрсөтүштү. Алардын ичинен Жалал-Абад шаарынын “Динамо” спорт клубунан келген жаш спортчулар өздөрүнүн мыкты экендигин далилдеп, спорттогу чеберчилиги жана күрөштөгү кайталангыс ыкмалары менен өзгөчөлөнө алышты. Дегеле “Динамо” спорт клубунун спортчулары ар бир мелдеш сайын өздөрүнүн мыктылыгын көрсөтүп келет. KEREEZ.KG маалымат сайты “Динамо” клубунун жаш спортчулары, Бишкекте өткөн мелдеште эң жакшы жыйынтыктарды камсыздаган Курманбек Замирбек уулу жана Нурсултан Абдисаламов, ошондой эле алардын машыктыруучусу, бир катар дүйнөлүк мелдештердин чемпиондорун даярдап, дале болсо келечектен көптү үмүттөндүргөн спортчуларды тарбиялап келе жаткан Кыргыз Республикасынын Эмгек сиңирген машыктыруучусу Замирбек Раев жөнүндө азыноолак кеп кылмакчыбыз.

30-декабрда КТРКнын башкы директорунун милдетип аткарып келген Бактияр Алиев ачык сынактын негизинде 11 добуш менен башкы директорлукка тандалып алынды. Бул тууралуу КТРКнын расмий сайтында маалымдалат.

30-декабрда, Кыргыз Республикасынын президентинин милдетин аткаруучу, Жогорку Кеңештин төрагасы Талант Мамытов Өзбекстан Республикасынын президенти Шавкат Мирзиёев менен телефон аркылуу сүйлөштү. Бул тууралуу президенттин аппаратынын маалыматтык саясат бөлүмү билдирет.

Экономикалык реформалар боюнча долбоорлорду иштеп чыгуу боюнча топтордун сапаттуу жана ыкчам ишин камсыздоо зарыл. Бул туурасында премьер-министрдин милдетин аткаруучу, биринчи вице-премьер-министр Артём Новиков Өкмөткө караштуу Экономикалык реформалар боюнча кеңештин кезектеги жыйынында билдирди, - деп кабарлайт өкмөттүн аппаратынын маалыматтык камсыздоо бөлүмү.

Пара талап кылуу фактысы боюнча ЖК депутатынын бир тууганы кармалганын Улуттук коопсуздук мамлекеттик комитетинен (УКМК) билдиришти.