Бүгүнтөн тарта Улуу Британия батыш мамлекеттеринин арасында алгачкылардан болуп коронавируска каршы жапырт эмдөөнү баштайт.

Беларусия президенти Александр Лукашенко Олимпиада оюндарына жана Эл аралык олимпиада комитетинин оюндарына киргизилбейт. Бул маалыматты Эл аралык олимпиада комитетинин президенти Томас Бах таратканын расмий сайты жарыялады.

Жогорку Сот Тарых музейи жана Чолпон-Атадагы ат майданы боюнча мурдагы инстанциялардын өкүмүн жокко чыгарды. Маалыматты Сапар Исаковдун жактоочусу Замир Жоошев тастыктады. Ал: "Сот жактоочулардын келтирген өтүнүчүн канаттандырып, мурдагы инстанциялардын чечимдерин жокко чыгарды. Эми бул соттук иш райондук сот тарабынан кайра каралат", - деди.

Президенттин милдетин аткаруучу, Жогорку Кеңештин төрагасы Талант Мамытов 6-декабрда Москвага иш сапары менен барды.

Премьер-министрдин милдетин аткаруучу, биринчи вице-премьер-министр Артем Новиков 2020-жылдын 7-9-декабрында Баткен жана Ош облустарына иш сапар менен барат.

Өкмөт чет элдик жарандардын Кыргызстандын аймагына аба каттамдар аркылуу келүүсүнө болгон чектөөлөрдү алып салды. Бул тууралуу Тышкы иштер министрлиги маалымат таратты.

Кыргызстандын мамлекеттик карызы 2020-жылдын аягына чейин ИДПнын 60% босоголук маанисинен ашып, жеңилдетилген шарттарда кредиттик ресурстарды тартуунун бирден-бир мүмкүнчүлүгүн калтырып кетиши ыктымал. Бул тууралуу Евразия өнүктүрүү банкынын макроэкономикалык баяндамасында айтылат.