Президент Садыр Жапаров бүгүн Ысык-Көл облусундагы Асман шаарынын курулушуна салтанаттуу түрдө старт берди. Иш-чара "Асман" шаарынын курулуш долбоору тууралуу видеороликти көрсөтүү менен башталды.

Креативдүү индустриялар паркынын расмий ачылышынын салтанаттуу аземине министрлер кабинетинин төрагасы Акылбек Жапаров катышты.

Маданият, маалымат, спорт жана жаштар саясаты министрлиги Чыңгыз Айтматов атындагы Кыргыз Республикасынын мамлекеттик жаштар сыйлыгын изденип алууга конкурс жарыялады. Ведомстводон билдиришкендей, документтер 2023-жылдын 10-августуна чейин кабыл алынат.

Бүгүн FIFA уюму футбол боюнча улуттук курамалардын дүйнөлүк рейтингин жарыялады. Бул тууралуу Кыргызстандын Футбол федерациясынан кабарлашты. Ага ылайык, Кыргызстандын улуттук курама командасы бир позицияга төмөндөдү — буга чейин 96-орунда болсо, эми 97чи баскычта (211 орундун ичинен).

Кыргыздын залкар жазуучусу Чыңгыз Айтматовдун 100 жылдыгына даярдык көрүү жана 95 жылдыгына байланыштуу иш-чараларды өткөрүү боюнча министрлер кабинетинин төрагасы Акылбек Жапаров тарабынан уюштуруу комитети түзүлдү.

Бүгүн, 29-июнда Жогорку Кеңештин жыйынында "КР аймагында полимер пленкасынан пакеттерди жүгүртүүнү чектөө жөнүндөгү” жана “КР укук бузуулар жөнүндө кодексине өзгөртүүлөрдү киргизүү тууралуу” мыйзам долбоорлору каралып, үчүнчү окууда кабыл алынды.

26-июнда Улуттук илимдер академиясынын Сейсмология институтунун жаңы имаратынын салтанаттуу ачылыш аземи болду. Иш-чарага министрлер кабинетинин төрагасы, президенттин администрациясынын жетекчиси Акылбек Жапаров катышты.