2021-жылдын 21-июлунда Кыргыз Республикасынын ички иштер министри Улан Ниязбеков Европадагы коопсуздук жана кызматташтык уюмунун "ЕККУ) Бишкектеги Программалык кеңсесинин башчысы Алексей Рогов менен жолугушту. Бул тууралуу КР ИИМдин маалымат кызматы билдирет.

Кыргыз Республикасынын президенти Садыр Жапаров бүгүн, 21-июлда, Кыргыз Республикасынын Жогорку Кеңешинин депутаттары менен жолугушту. Бул тууралуу президенттин басма сөз кызматы маалымдайт.

Кыргызстанда коронавируска каршы вакцина алган жарандардын саны 394 932ге жетти. Алардын 101 миңден ашууну эки дозаны тең сайдырышты. Учурда өлкөдө вакциналардын 1 миллион 128 миңден көбүрөөк запасы бар. Бул 22-июль, таңкы саат сегизге карата маалымат.

Токиодо 23-июлда, жайкы Олимп оюндарынын расмий ачылышында Кыргызстандын желегин ок атуу спортунун чебери Каныкей Кубанычбекова көтөрүп чыгат. Кыргызстандын курама тобунун капитаны болуп балбан Атабек Азисбеков дайындалган жана Министрлер кабинетинин төрагасы Улукбек Марипов желекти ага тапшырган. Бирок күрөш боюнча мелдештер 1-августтан тартып башталгандыктан, кыргызстандык балбандар Жапонияга 28-июлда жол тартат.

Токиодо жайкы Олимпиада оюндарынын алкагындагы алгачкы мелдештер софтбол менен башталды. Шаршембиде Австралиянын жана Жапониянын аялдар командалары Фукусима стадионунда күч сынашты.