Кыргызстанда 20-июлга карата коронавирус дагы 1 миң 291 адамдан аныкталды. Бул тууралуу коронавируска каршы Республикалык штабдан билдирди.

Бүгүн, 20-июлда, Бишкек шаарындагы имам Сарахсий атындагы башкы мечитте миңдеген шаар тургундарынын жана конокторунун катышуусунда Курман айт намазы эпидемиологиялык абалдан улам аралыкты сактоо менен окулду. Бул тууралуу муфтияттын басма сөз кызматынан маалымдашты.

Бишкектин аймактык шайлоо комиссиясы 17-18-июлда жыйынтыктоочу жыйын өткөрүп, Бишкек шаардык кеңешке депутаттарды кайра шайлоонун жыйынтыгын чыгарды. Бул тууралуу БШКнын басма сөз кызматы билдирди.

Ооганстандан Тажикстанга кире качкан 345 этникалык кыргыз мал-жандыгы менен 17-18-июль күндөрү кайра өздөрү туруктуу жашаган Ооганстандын Бадахшан провинциясынын Андемин айылына кайтарылды. Бул тууралуу Тажикстандын улуттук "Ховар" маалымат агенттиги жазды.

Ооганстан өкмөтүнүн жана "Талибан" кыймылынын өкүлдөрү Катардын Доха шаарында тынчтык сүйлөшүүлөрүн өткөрдү. Тараптар "маселени тынч жол менен чечүүгө үмүт ойгонгону" тууралуу баяндама жасашты.

Кыргызстанда 19-июлга карата коронавирус дагы 1 миң 287 адамдан аныкталды. Бул тууралуу Республикалык штабдан билдиришти.

Кечээ, 18-июлда саат 17:45те Чүй облусунун аймагында очогунда күчү 3 баллга жеткен жер титирөө катталды. Бул тууралуу ӨКМ Сейсмология институтунун маалыматына таянып жазып чыкты.