Спортчунун этикасынын кодексинин 5-бөлүмүнүн 15-пунктуна ылайык, грек-рим күрөшү боюнча улуттук курама командадан Роман Царев 23-декабрдан тартып четтетилди. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.

КР Башкы прокуратурасы тарабынан шайлоону өткөрүү боюнча Кыргыз Республикасынын мыйзамдарынын сакталышын камсыз кылуу үчүн иш-чаралар тийиштүү деңгээлде жүргүзүлүүдө. Бул тууралуу Кыргыз Республикасынын Башкы прокурору Курманкул Зулушев Коопсуздук кеңешинин жыйынында билдирди.

Бүгүн, 24-декабрда, президенттин милдетин аткаруучу, Жогорку Кеңештин төрагасы Талант Мамытов өлкөнүн Коопсуздук кеңешинин кезектеги жыйынын өткөрүп жатат.

Кыргызстанда кезексиз президенттик шайлоодон кийин башаламандык болушу мүмкүн. Бул тууралуу Улуттук коопсуздук боюнча мамлекеттик комитеттин жетекчиси Камчыбек Ташиев журналисттердин суроолоруна жооп берип жатып айтты.

Жогорку Соттун төрайымы Гүлбара Калиевага кылмыш иши козголду. Бул тууралуу УКМКнын башчысы Камчыбек Ташиев 24-декабрда маалымат жыйынында кабарлады.

Президенттин милдетин аткаруучу, Жогорку Кеңештин төрагасы Талант Мамытовдун башчылыгында бүгүн, 24-декабрда, мамлекеттик органдардын айрым жетекчилеринин, өкмөттүн облустардагы ыйгарым укуктуу өкүлдөрүнүн, Бишкек жана Ош шаарларынын мэрлеринин катышуусунда өлкөнүн Коопсуздук кеңешинин жыйынын өтүүдө. Бул тууралуу өкмөттүн аппаратынын маалыматтык саясат бөлүмү билдирет.