Ушул күндөрү Сербияда өтүп жаткан Самбо боюнча дүйнө чемпиондугунун экинчи күнүндө Кыргызстандын спортчулары 3 медалга ээ болушту. Кечээ, 7-ноябрда өткөн спорттук жана күжүрмөн самбо мелдештеринде эркектер жана аялдар үчүн 9 медалдар топтому ойнотулду.

Кыргыз Республикасынын Президентинин милдетин аткаруучу, Премьер-министр Садыр Жапаров 9-ноябрда Нарын облусуна иш сапар менен барат. Бул тууралуу өкмөттүн аппаратынын маалыматтык камсыздоо бөлүмү билдирет.

Түркияда Facebook, TikTok, Twitter социалдык тармактары жана YouTube видео хостингине "Социалдык тармактар жөнүндөгү" жаңы мыйзамды аткарбаганы үчүн 1,18 миллион доллар айып пул салынды. Бул тууралуу өлкөнүн Транспорт жана инфратүзүм министринин орун басары билдирди. "Техникалык фирмалар биздин өкмөт тарабынан коюлган талаптарды аткарбай, контентин өчүрбөй, жергиликтүү өкүлдү шайлабаганы үчүн жазаланды", - деп айтылат маалыматта. 

«Мен 14-ноябрга чейин президенттин милдетин аткарууну өткөрүп берип, мөөнөтүнөн мурда өтчү президенттик шайлоого катышам», - деп билдирди президенттин милдетин аткаруучу, премьер-министр Садыр Жапаров Region TV телеканалына берген маегинде.

3-ноябрда Ысык-Көлдүн жээгинде көк бөрү боюнча президенттин кубогу үчүн мелдеш башталган. Жаштар иштери, дене тарбия жана спорт мамлекеттик агенттигинин маалымат кызматынан кабарлашкандай, 4-ноябрь күнү оюндун алкагында ырааттамага ылайык, алты оюн өткөрүлдү: төрт оюн Биринчи лига жана эки оюн Жогорку лигадагы командалар арасында.

Козголгон кылмыш иштеринин алкагында өлкө казынасына 5,4 млрд сом түштү. Бул тууралуу Бишкектеги маалымат жыйынында Башкы прокурор Курманкул Зулушев билдирди. Анын айтымында, экономикалык амнистия өз жыйынтыгын берүүдө.

Жогорку Кеңештин төрагалыгына депутат Талант Мамытовдун талапкерлиги сунушталды. Мамытовдун талапкерлиги “Республика-Ата Журт” фракциясы тарабынан сунушталууда. Эскерте кетсек, учурдагы төрага Канат Исаев президенттик шайлоого катыша тургандыктан төрагалык милдетти тапшырарын билдирген.